أمثال شعبية مصرية

الأعور وسط العميان ملك

مصر ليست مجرد وطن بحدود… ولكنها تاريخ الانسانية كله!

جت الحزينة تفرح مقتلهاش مطرح

مكسح طلع يتفسح قال بفلوسه

ما أسخم من ستي إلا سيدي

كل اللي يعجبك والبس ما يعجب الناس

كل أكل الجمال وقوم قبل الرجال

عيسى نبي وموسى نبي واللي ليه نبي يصلي عليه

علمناهم الشحاته سبقونا ع الأبواب

سكتنا له دخل بحماره

زى الفراخ رزقه تحت رجليه

زى الفراخ تبيض وتحزق للتاجر

زى العقربة قرصتها والقبر

خالتي وخالتك و اتفرقوا الخالات

خاطر الأعمى قفة عيون

خارج من الحريقة قابله الغراب زغطه

جحر ديب يساع مية حبيب

بخمسة بصل بصل بخمسة

بات كلب واصبح سبع

الدنية تتمنى وحمتها والهنيمة تستني وجعتها

الدنيا مراية وريها توريك

الحى ماله قاتل

البيت بيت أبونا وييجوا الغرب يطردونا

أبو بلاش كتر منه

البحر يحب الزيادة

الأكل في الشبعان خسارة

آخرة خدمة الغز علقة

آخر الحياة الموت

ابن السايغ اشتهى على أبوه خاتم

ابن الحاكم يتيم

إيش لم الشامى على المغربي

إيش جاب طوخ لمليج

إيد واحدة ما تسقفش

اللي يكرهه ربنا يسلط عليه لسانه

اللي ياكل حلوتها يتحمل مرتها

اللي ياكل ببلاش ما يشبعش

الخسارة تعلم الشطارة

أنا غنية وأحب الهدية

أعمى ويقول شفت بعيني

من شروط المصالحة، المصارحة

إن كنتم نسيتوا اللي جرى، هاتوا الدفاتر تنقرا.

مش كل مرة، تسلم الجرة

الجعان يحلم بسوق العيش

طول البال، يهد الجبال

قد النملة ويعمل عملة

زي الطاووس يتعاجب بريشه

الخير على قدوم الواردين

الرجل تدب مطرح ما تحب

يعمل من الحبة قبة

اللقمة الهنية تكفي مية

يعملها الصغار، ويقع فيها الكبار

إدي العيش لخبازه، ولو أكل نصه

ان دبلت الوردة ريحتها فيها

البيضة ماتكسرش الحجر

بنت الفارة حفارة

البقرة لما تقع تكتر سكاكينها

اصرف ما في الجيب، يأتيك ما في الغيب.

طلع من نقرة، وقع في دحديرة

جه يكحلها عماها

هو حلم ولا علم

أقول له طور، يقول احلبوه

عشمني بالحلق خرمت أنا وداني

كل تأخيرة وفيها خيرة.

اللي ميشوفش من الغربال يبقي اعمي

من غربل الناس، نخلوه.

كثرة المتاعب تفرق الأحباب

يقتل القتيل ويمشي في جنازته

زي القب مايرجعش ميت

زي النمل يشيل أكبر منه

الجايات أكتر من الرايحات

إن فاتتك فرصة، فالتمس غيرها

مش كل من لبس العمامة يزينها، ولا كل من ركب الحصان خيَّال

يغرك رخصه، وترمي نصه

الغالي تمنه فيه

الكلب في بيته سبع

لا تعايرني ولا أعايرك دة الهم طايلني وطايلك

كل ساقطة وليها لاقطة

كل فولة وليها كيال

كل عقدة وليها حلال

لامنك، ولا كفاية شرك

عاكس القطة تخربشك

إيه رماك على المر، قال اللي أمر منه

الديك الفصيح من البيضة يصيح

ضربة المعلم بألف

خلي المية، مية وأردب

خبطتين في الراس توجع

خالف تُعرف

من عاشر القوم أربعين يومًا، يا صار منهم يا صاروا منه.

أسد عليَّ، وفي الحروب نعامة.

الحزن يعلم البكا، والفرح يعلم الزغاريد

الخنفسة عند أمها عروسة

القرد في عين أمه غزال

يموت الزمار وصوابعه لسه بتلعب

في الوش مراية، وفي القفا سلاية

قول له في وشه، ولا تغشه

قالوا للحرامي احلف، قال جالك الفرج.

إديني عمر وارميني البحر

إذا حضرت الملائكة غابت الشياطين.

اتغدى بيه قبل ما يتعشى بيه

هذا الشبل من ذاك الأسد

ابن الوز عوام

ابنك زي ما تربيه، وجوزك زي ما تعوديه.

العبد في التفكير، والرب في التدبير

كل واحد ينام على الجنب اللي يريحه

نار جوزي، ولا جنة أبويا

المية تكدب الغطاس

قالوا:الجمل طلع النخلة.قلنا:آدي الجمل وآدي النخلة

اللي مالكش فيه، مالكش دعوة بيه

من جاور السعيد يسعد ومن جاور الحداد ينكوي بناره

صباح الخير يا جاري، أنت في دارك وأنا في داري

اشتر الجار قبل الدار

الرفيق قبل الطريق.

وجع ساعة ولا كل ساعة.

الطمع يقل ما جمع

يا خبر النهاردة بفلوس، بكرة يبقي ببلاش

حرص ولا تخون

المال السايب يعلم السرقة

ايد لوحدها ماتسقفش

اللي يربط في رقبته حبل، ألف من يسحبه

من جاور الحداد، انكوى بناره

يوضع سره في اضعف خلقه

نواية تسند الزير

اللي تحوشه النملة في سنة ياخده الجمل في خفه

داري على شمعتك تقيد

يدي الحلق للي بلا ودان

يا نحلة لا تقرصيني ولا عايز منك عسل

قصقصي ريش طيرك ليلوف علي غيرك

اجري جري الوحوش غير رزقك لن تحوش

اكسر للبنت ضلع يطلع لها اربعة وعشرين

ما يجيبها الا رجالها

يا طالب السمنة من النملة، حرمت عليك التقلية

ضربني وبكى، وسبق واشتكى

اللي تحسبه موسى، يطلع فرعون

إن غاب القط، العب يا الفار

من كان بيته من زجاج، لا يقذف الناس بالحجارة

الغايب حجته معاه

امشي سنة ولا تخطي قنة

العجلة من الشيطان

في التأني السلامة وفي العجلة الندامة.

القفة اللي ليها ودنين يشيلوها اتنين

اتصالحت المقشة مع البلاعة والاثنين بقو جماعة

عصفور في اليد خير من عشرة على الشجرة

الذاكرة وليست المذكرات.

اتداين وإزرع، ولا تتداين وتبلع

العلم في الراس مش في الكراس.

أبوك البصل وأمك التوم، منين لك الريحة الحلوة يا مشؤوم.

الأرض تضرب ويا اصحابها

أهى ليلة وفراقها صُبح

امشي على مهلك، علشان توصل بسرعة

اتقل عالرز يستوي

اتمسكن لحد ما اتمكن.

القبيحة ست جيرانها

خدوهم بالصوت ليغلبوكم

تزرعه يقلعك

جبت الاقرع يونسني، قلع الطاقية وخوفني

متخافش من الهبلة، خاف من خلفتها.

يغور اللبن من وش القرد

ابن الهبلة يعيش اكتر

آخد ابن عمي وأتغطى بكمي

همه علي بطنه

الشحات له نص البلد

اللي اختشوا ماتوا

الجبان ربى عياله

مالقوش العيش ياكلوه جابوا لهم عبد يلطشوه

اللي خدته القرعة، تاخده ام الشعور

المتعوس متعوس ولو علقوا علي باب بيته فانوس.

ياما جاب الغراب لامه

تروح فين الشمس من على قفا الفلاح

أقلب القدرة على فُمها تطلع البنت لأمها

لاقيني ولا تغديني

اكل مسني واعيش مهني، ولا كبابك اللي قتلني

خنفسة شافت ولادها عالحيط قالت ده لولي وملضوم في خيط

ايش ياخد الريح من البلاط؟

ضرب الحبيب زي اكل الزبيب

بصلة المحب خروف.

مراية الحب عمياء

امشي عدل يحتار عدوك فيك

الي يحبه ربه يحبب فيه خلقه